فيروس كورونا (COVID-19) أزمة القرن

تعريف بالفيروس والأعراض والنصائح
تقرير منظمة الصحة العالمية بتاريخ 13-3-2020 راجع التقرير من هنــــــا 
*عدد الإصابات 132,758 شخص
*عدد الوفيات 4955 شخص
أولا تشخيص الفيروس:
 هو نوع جديد من الفيروسات بتصيب الإنسان عن طريق رذاذ شخص مصاب لمّا يتكلّم أو يعطس أو يكح، حتي الآن العدوي تنتقل عن طريق الفم أو الأنف أو العين، الرذاذ بينتقل في الهوا لمساحة متر تقريبا وبعد كده بينزل على الأسطح علشان كده العدوي بتنتقل غالبا بين الأشخاص القريبين من بعض، فترة حياة الفيروس على الأسطح غير معروفة حتي الآن علشان كده لازم تغسل الأماكن المعرضة لانتقال الفيروس باستمرار زي أماكن الجلوس – مقابض الأبواب – الحمامات – المقابض فى المواصلات العامة و أي سطح معرض للإصابة، النقطة الأهم هو تجنب لمس العين والأنف والفم بالإيد علشان دي الأعضاء اللى بينتقل منها الفيروس ليك.
لما تكح او تعطس أستخدم منديل أو دراعك وأرمي المنديل فورا فى سلة القمامة، أفضل طريقة فعالة دلوقتي لازم تغسل ايدك بمعقم كحولي أو بالميه والصابون ده هيقتل الفيروس لو هو في ايدك، الفيروس ليس له علاج حتي الآن.

ثانيا الأعراض وفترة ظهور الفيروس على الإنسان:
أولا يصيب الحلق علشان كده هتحس ان حلقك ناشف وعندك إلتهاب بيستمر 3 لـ 4 أيام ، بعدها بينتقل للقصبة الهوائية بعدها للرئتين وهيسببلك إلتهاب رئوي بيستمر 5 لـ 6 أيام ، بعد كده بتجيلك حمى وسخونية عالية وصعوبة فى التنفس وفى الوقت ده انت بتفكر تروح المستشفي ولكن للأسف بيكون فات الأوان لأن الفيروس بيكون صاب 50% من الرئة بالتليّف.

 ثالثا ما هي نصائح مواجهة الفيروس؟

1.     تجنب انك تلمس أي سطح ممكن يكون مصاب بالرذاذ.

2.     تجنب انك تلمس الأنف والعين والفم لو ايدك مش مغسولة.

3.     حاول بقدر الأمكان الإلتزام بالبيت لو اضطريت انك تنزل وتركب مواصلات انزل كل 20 دقيقة واركب مواصله تاني وطهر أيدك وغير الجو اللى انت فيه.

4.     متسلمش على حد او تحضن او تبوس حد خلينا نعدي الفترة دي على خير.

5.     لو اكلت بره فى أي مطعم لأما تتاكد ان الأدوات اللى بتاكل بيها نضيفه أو تغسلها بنفسك او تاكل بأيدك بعد متغسلها كويس طبعا.

6.     لو انت معندكش خبرة عن الجوانتي أرجوك متلبسوش لأنها بعد فترة بتضر الجلد وكمان بعد 30 دقيقة بتظهر فيها ثقوب مش هتشوفها بعينك المجردة وهتنتقل من خلالها العدوي.

7.     الحفاظ على مسافة متر بينك وبين أي شخص.

8.     لو انت مش مصاب متلبسش ماسك للوش لأنك لو لبستها غلط هتتعرض للإصابة.

9.     استخدم مطهرات ومواد كحولية بعد متمسك اي سطح عام.

10.  اغسل ايدك لمدة 20 ثانية بالميه والصابون.

11.  التليفون سبب رئيسي لانتقال العدوى متسبش التليفون فى أي مكان دايما خليه فى جيبك ولو تلفونك قابل للغسيل أغسله زي أيدك بالظبط، أو امسحه بمنديل معقم لأن سبب فى إنتقال العدوي.

12.  متسافرش دلوقتي لأي مكان إلا للضرورة القصوي.

رابعا ماذا سيحدث إذا تفقمت الأزمة؟

·       المستشفيات مش هيكون فيها مكان لمريض عادي زي الكسور أو الولادة أو مرضي الكلي والضغط والسكر وباقي الأمراض المزمنة، أي مريض عادي هيدخل المستشفى بنسبة كبيرة هيخرج مصاب بالفيروس.

·       أكتر ناس هتصاب بالعدوى هم الأشخاص اللي بيشتغلوا في المصالح العامة وخصوصا المستشفيات والصيدليات

·       الشركات اللي هتتأثر وهتقفل( السياحة-المطاعم- الكافيهات- محلات الملابس- الصالات الرياضية- تنظيم المعارض والحفلات- المولات...

·       بسبب ان كل حاجة متوقفة والاقتصاد بينهار هيكون فيه إنفلات أمني وسرقة ومفيش مرتبات يعني مرض وعدوي وغلاء والناس عايشة في رعب.

·       معدّل إنتشار الكورونا أكتر 3 مرات من فيروس البرد العادي، والمرض مش بيفرق بين غني وفقير يعني هتلاقي وزارة بدون وزير ودولة بدون رئيس وبلد بدون حكومة وده بدأ يحصل في بعض الدول.

·       كل شخص مسؤول عن نفسه أولا لأن حفاظك علي نفسك هو واجب تجاه نفسك واخوك واختك وامك وابوك ومجتمعك، أهتم بالتوعية في بيتك وتابع التصريحات الرسمية ولا تستهين بالموقف لأن الوضع حرج جدًا.

اعرف تفاصيل اكتر عن كيفية تجنب العدوي من هنا

شارك معانا في حملة التوعية ضد الكورونا ، خليك إيجابي و انقذ حياة إنسان