26 نصيحة لا غنى عنها للمسافرين إلى تركيا
1- لازم تتأكد إن باسبورك وتذاكر حجز الطيران والفندق أو الهوستيل معاك في
الشنطة اللى هتدخل بيها الطيارة ودي متسبهاش من أيدك.
2- زي متفقنا إنك هتحجز طيران قبل السفر بوقت كافي بس لازم تراعي إن ميعاد
وصول الطيارة لتركيا وميعاد المغادرة فى الوقت من الساعة 6 الصبح للساعة 12 بالليل
لأن ده الوقت اللى بيشتغل فيه المترو، أو لو هتركب أتوبيس بعد متنزل المطار وتستلم
الشنط اسأل عن الأتوبيس (مطار إسطنبول الجديد محطة الإتوبيس موجودة فى الدور -2
تحت الأرض + مطار صبيحة الاتوبيس موجود قدام المطار ) ومنها هتروح أي مكان انت
عايزة.
3- طيب لو مكنش في حجز مناسب وأضطريت انك توصل فى وقت المترو مش شغال فيه، قدامك
حلين لإما تركب تاكسي من أمام المطار للمكان اللى انت عايزة وده بيكون غالى، أو
ممكن تنتظر داخل المطار لغاية لما يفتح المترو (ده مكان لطيف بيقدم فطاير ومعجنات
ومشروبات داخل مطار أتاتورك) أنصحكم بيه، اسمه سميت ساراي Simit sarayı
4- خد معاك ليرة (عملة معدنية بقيمة 1 ليرة) لأن العربية اللى بتحط عليها
الشنط فى المطار (الترولي) لازم تدفع ليرة علشان تاخدها. جرّب تحط فيها جنيه مصري
فضة J
*أول متوصل للمطار روح لأي مكتب من مكاتب خدمة العملاء وخد منه خريطة إسطنبول
هتفيدك جدا لأن فيها شرح لكل أنواع المواصلات (خطوط المترو وأسماء المحطات و أرقام
الأتوبيسات وكل المعالم السياحية فى إسطنبول) نصيحة متروحش أي مكان من غيرها
(الخريطة موجودة فى كل مكان سواء الهوستيل او الفندق او حتي فى السوبرماركت)
والخريطة بتتوزع مجاناً.
5- بالنسبة للمكالمات والإنترنت (أكيد مش هنساكم) أفضل شركتين هما “Turk cell
& Vodafone”
دي بتبيع خطوط موبايل وهي منتشرة جدا فى الشوارع، اسأل عن الكشك واشتري خط بالباسبور
بتاعك واعمل عليه باقة المكالمات والإنترنت اللى تناسبك بداية من 30 ليرة حتي 200
ليرة، الخط ده هيفيدك جدا لأنه طريقة التواصل الوحيدة وانتو بره الهوستيل أو
الفندق.
مكان بيع
خطوط الموبايل
6- لو اشتريت أي ملابس أو هدايا أو أي حاجة من أي محل لازم تاخد بيها فاتورة مكتوب
عليها Tax Free لأنك سائح ومش مفروض تدفع ضرايب على الحاجات
اللى بتشتريها، احتفظ بكل الفواتير معاك وفى طريقتين تاخد بيها فلوس الضرايب اللى
انت دفعتها على ثمن المنتجات اللى اشتريتها.
الطريقة الأولى انك تروح مول أوف أسطنبول و عنوانه (Address: Ziya Gökalp, Süleyman Demirel Blv
No:7, 34490 İkitelli Osb/Başakşehir/İstanbul)وده مول كبير فى أسطنبول
ومشهور جدا وتقدر توصله بسهولة عن طريق المترو أو الاتوبيس، وتسأل عن مكان اسمه “Tax Free” وتاخد معاك
الحاجات اللى اشتريتها لأنهم بيشوفوها ويتاكدوا فعلا إنها بتاعتك، ولو اشتريت ودفعت
بالفيزا كارد خد معاك الفيزا بردو وهناك اديهم الفاتورة وهيرجعولك نسبة الضريبة
اللى دفعتها
الطريقة
التانية: فى المطار وانت مسافر فى مكاتب متخصصة لموضوع الضرايب عند مكتب وزن الشنط،
بردو اسأل عليه وروح بالحاجات اللى انت اشتريتها (ركز لازم تاخد الحاجات معاك)
وهناك هتاخد الضريبة اللى دفعتها
ركز معايا جدا: الأول تروح على مكتب “Tax
Free” ومعاك الباسبور وتذكرة السفر والفواتير علشان يشوف كل الحاجات اللى
اشتريها ويطابقها بالفواتير ويختم عليها، وبعد كده هياخد منك الشنط ويشحنها على
الطيارة على طول، وبعد كده تروح لمكتب الجوازات علشان ختم الخروج، وبعد متختم خروج
هتلاقي المكتب اللى هتاخد منه فلوس الضرايب ويكون معاك الفواتير مختومة.
خريطة بأماكن مكاتب TaxFree
فى مطار إسطنبول الجديد. 
صورة من الفاتورة وموضح عليها تمن الضريبة بالليرة
7- تركيا فيها ملابس شيك جدا ورخيصة جدا جدا من أشهر المولات (أسطنبول مول –جواهر مول - اوليفيم مول) وأرخص وأفضل محلات الملابس ( l.c Waikiki و koton و defacto ) فى أكتر من فرع فى شارع الإستقلال وهتتصدم من جودة المنتجات ورخص الأسعار. (متنساش الفاتورة علشان الضريبة)
8- لو أضطريت تركب تاكس لازم تفاصل معاه فى الأجرة قبل متركب، لأنهم غاليين
جدا وحتي لو اشتغل بالعداد بردو غالي (ممكن مشوار فى 10 دقايق ب 30 ليرة) نصيحة
متركبش تاكسي إلا لو مضطر لأن (المترو والترام والأتوبيس والمركب بيرحوا كل مكان
فى اسطنبول)
9- لو بتشرب كحول حاول تشتري قبل الساعة 10 مساءًا لأن فى قانون بيمنع بيع
الكحوليات بعد الساعة 10.
10- الأتراك أشخاص لطيفة ومتعاونين جدا لو توهت اسأل أي حد مفيش مشكلة، بس
نصيحتي اسأل الشباب والبنات اللي سنهم صغير لأنهم بيتكلموا انجلش إنما الناس
الكبيرة صعب جدا تلاقي حد بيتكلم إنجلش، وكمان البنات متعاونين أكتر وممكن يرحوا
معاك ويوصلوك للمكان اللى انت بتسأل عليه. (يوصلوك بس J)
11- قبل متشتري أي حاجه أعرف سعرها
الأول وخصوصا فى الأماكن السياحية واللى بيكون فيها زحمة لأن فى نصابين كتير.
12- بالنسبة لزيارة الأماكن اللى اتكلمنا عنها فى الأول خالص، كل مكان من دول
محتاج تخططله يوم لوحده علشان تستمتع بيه (رتب أولوياتك وشوف إنت بتحب إيه) وعلى
حسب عدد الأيام اللى هتقعدها هناك خطط هتزور أيه وبالنسبة للمواصلات هتكون سهلة
جدا لأن كل الاماكن دي قريبة من وسائل المواصلات (مترو – اتوبيس – ترام - مركب) ودايما
خد معاك الخريطة، وكتاب سافر على موبايلك.
13- خلي وسيلتك الاساسية في الانتقال رجليك امشي كتير، انت مش مسافر عشان
تقضيها راكب طول الوقت، احنا مسافرين نتمشى ونستمتع ، حاول دايما تحضر للاماكن الي
عايز تزورها في نفس المنطقة واتمشى ما بينهم
14- اشتري من السوبر ماركت في أي وقت طبعا مفيش ارخص من انك تدخل تجيب حاجات من
السوبر ماركت للفطار والعشا، والارخص كمان انك تطبخ بنفسك لو المكان الي انت فيه
جواه مطبخ، علبتين جبنة على تونة على اي حاجه بتحبها في النهاية دايما ارخص من
المطاعم.
15- في كل بلد فيه ناس كتير بتحب تعرفك على بلدها، واغلب شركات السياحة الي
بتعملPrivate
Tours بتعمل كمان Free Tours عشان تسوّق لنفسها وتحاول
تبيع، دور قبل ما تسافر على الـfree tours الي في المدينة الي مسافرها،
وممكن دايما تبدا بالرابط ده لشركة Sandemanمن اشهر الشركات الي بتعمل free tours في حوالي 18 مدينة اوروبية، أخرج معاهم هتنبسط جداً.
16- خد اكتر من بطارية للشاحن الموبايل أو ممكن
باور بانك.
17- خد معاك كارت ميموري 32 أو 64 جيجا علشان الصور والفيديو ودايما خلى الصورة بأعلى دقة. أو أول
متروح الفندق أو الهوستيل ارفع ملفاتك على جوجل درايف ليك 15 جيجا مجانا
18- أنصحك تشتري كل الملابس من تركيا ومتخدش أي حاجة معاك وانت مسافر، يعني
اشتري كل يوم أو يومين طقم جديد وأخرج بيه وبكده توفر وقت وسعر الغسيل والمكوا.
19- نزل تطبيق بيحتفظ بالخرائط أوف لاين علشان لو مفيش انترنت تعرف انت فين
وهتروح فين، التطبيق ده جميل بيحفظلك البلد و ازاى تتنقل فى الشوارع ☺ نزله من
جوجل بلاي وحمل خريطة تركيا "خرائط جوجل"
20- اكتب رقم خدمة العملاء للفيزا الإلكترونية للتبليغ في حالة الفقدان.
21- احتفظ بأرقام و عنوان الفندق أو الهوستيل اللى هتنزل فيه.
22- قبل متسافر حدد البرنامج اليومي للرحلة و الأماكن المقرر
زيارتها و أيام التسوق و أيام النزهه علشان متضيعش وقت فى التفكير وانت بره.
23- بالنسبة للعملة أنصحك تحول الفلوس قبل متسافر (دولار أو يورو) وهناك حولهم
لليرة ومكاتب الصرافة منتشرة جدا فى كل مكان.
24- افتح خرائط جوجل واستكشف البلد (شوف المطار فين، والمكان
اللى هتنزل فيه فين، والأماكن اللى هتزورها،
علشان يكون عندي تصور للأماكن والمسافات).
25- لو وصلت المطار وتلفونك فصل شحن ومحتاجة تعمل مكالمة ضروري ممكن تشحنه من
خلال ماكينات مخصصة للشحن، بتضع فيها العملات المعدنية (الليرة التركي) 1 ليرة
يقوم بشحن 30% من البطارية، كمان الماكينات دي متوفرة فى الشوارع.
26- لو باسبورك ضاع أو اتسرق (خلى معاك صورة الباسبور على الموبايل) و روح لأقرب قسم شرطة وأعمل محضر وبعد كده خد المحضر و روح السفارة أو القنصلية وهناك هتاخد منهم وثيقة سفر تقدر تسافر بيها لبلدك.
المصدر كتاب سافر للسياحة في تركيا
دي شوية نصايح وخبرات من السفر ياريت تكون مفيدة ليك وتقضي وقت جميل.
اعرف أيضا عن الخدمات التي تقدمها شركة سافر
كل التفاصيل الخاصة بالتقديم على الفيزا من مصر هنــــا
لو انت مصري ومقيم فى دولة من دول الخليج
ممكن نقدملك على الفيزا من عندك وهـــنــا كل التفاصيل عنها
-----------------------------------------------------
نقوم بتوفير كل شيء بخصوص تركيا
( الفيزا - الإستقبال من المطار - حجز
الفنادق- الإقامة
القانونية - تأسيس الشركات -برامج للرحلات اليومية - حجز الطيران الدولي
والداخلي - تأجير سيارات خاصة - تأجير شقق مفروشة فى أغلب المدن )
متاح أيضا التقديم على الإقامة فى تركيا من هنــــا
والتقديم على دراسة اللغة فى تركيا من هنـــا
* كلمنا على رقم المكتب واحنا نخلصلك كل
الأوراق الخاصة بالفيزا سواء زيارة أو سياحة أو إقامة أو دراسة أو عمل
او علاج.
للحجز أو الاستفسار عن أي تفاصيل ممكن
تكلمنا على رقم الشركة
مكتب مصر: 00201018647306
_ 00201279309900
ايميل: Info@Safer4Free.com
مكتب
تركيا: 00905445019185 (WhatsApp)
ايميل: Turkey@Safer4Free.com
مواعيد العمل: من السبت للخميس من
الساعة 8 صباحاً لـ 6 مساءًا.
تابع كل عروض سافر من هـنـا
