إزاي تسكن ببلاش Couchsurfing


  إزاي تسكن ببلاش Couchsurfing

مع ارتفاع سعر الدولار واليورو اصبح السكن غالى جدا دلوقتي على كل المسافرين.
وزي موعدناكم قبل كده إننا هنتكلم بالتفصيل عن إزاي تسكن ببلاش فى أكتر من 5 مليون مكان إستضافة فى 120 ألف مدينة حول العالم،
الموضوع تم شرحة بالتفصيل فى كتاب "سافر"
فى موقع إسمه "كاوتش سيرفنج" Couchsurfıng
الموقع ده بيعمل إيه ؟
تقدر تقول إنهم شوية شباب وبنات مجانين بيعشقوا السفر والترحال وتكوين الصداقات والتعرف على الثقافات من جميع أنحاء العالم ! ايوة يعني عملو ايه ؟
انا مثلا عندي شقة فى القاهرة وعندي اوضة فاضية فيها أدخل على الموقع واعمل حساب وأقول ان عندي أوضة فاضية و أى حد من جميع أنحاء العالم ينزل مصر ممكن يقيم فيها بس بشرط يقولى قبلها بفترة كافية وبيكون فى تفاصيل عنك من خلال حسابك على الموقع يعني زي اهتماماتك ، دراستك ، البلاد اللى زورتها ، بتتكلم كام لغة وممكن كمان تحط صور للمكان وهكذا الفكرة دي انتشرت جدا والموقع ده وصل أن عليه دلوقتي أكتر من 5.6 مليون مكان إستضافة فى 120 ألف مدينة حول العالم
هقولك على شوية نصايح لازم تعملها قبل متطلب إستضافة من حد
1- اكتب كل البيانات المطلوبة منك فى الحساب بطريقة إحترافية
2- نزل صور للمكان اللى هتستضيف فيه الناس 
3- اكتب إنت هتقدم إيه للشخص اللى هينزل عندك وكذلك انت هتقدم إيه للشخص اللى انت عايز تنزل عنده (يعني مثلا ممكن تعلمه لغة او كورس فى مجالك أو هتكلمة عن ثقافة مجتمعك أو انك شخص مرح وهتخليه مبسوط بوجودك عنده ... المهم تبيّن ايه أفضل حاجه انك ممكن تقدمها للى هيستضيفك)
4- حاول تخلى أصدقائك يعملولك مرجع أو توصية إنهم نزلوا عندك وانك شخص لطيف ومحترم وانهم استمتعوا جدا وهما عندك .. كده كده هما أصلا نايمين عندك أكل وشرب ونوم ببلاش خليهم مرة يعملوا حاجه تفيدك وكمان الموقع ممكن يديك عضوية مجانية على الاستضافة، دي صورة من تجديد عضوية مجانا علشان استضفت واحد عندي
5- حاول ان مدة الزيارة تكون سريعة يعني من 1 ل 5 أيام أو اسبوع بالكتير (مش تكتب إنك عايز تقيم شهر عنده أكيد مش هيقبل طلبك)
6- مش معني انهم اجانب و اوبن مايندد يبقي تدخل تبعت استضافة عند بنات بس .. متحاولش كان غيرك أشطر 
7- فى بنات بتقبل بس مش كتير وهتتعب عشان تلاقي بنت تستضيفك عندها فـ بلاش السكة دي ، وبالنسبة للبنات الموضوع مختلف.
8- حاول تخلى الحساب بتاعك موثّق .. 50 دولار فى السنة ده بيضمن إنك شخص جاد وفعلا محتاج الخدمة.
 
اشترك حالا من خلال الموقع الرسمي من هـنـا
وممكن تسكن ببلاش وكمان تكسب فلوس اعرف ازاي تعمل كده من خلال المقال التالى من هنـــا
تطوع تطبيق مسافرين couchsurfing إقامة مجانا شنغن تركيا سافر أوروبا سفر سياحة