كايرو هربت


كايرو هربت

قصص السفر
بقالنا كتير بننشر قصص لأشخاص بيسافروا لكن النهارده الموضوع مختلف!
قصة القطة كايرو
بدأت القطة المسكينة تدور على أي طريق تخرج بيه من البلد زي كل المصريين بعد معاشت فى مصر شهر ونص وفعلا من إسبوع أخدت القرار وودّعت كل القطط والكلاب اللى تعرفهم وراحت على المطار ونطت فى منطقة الشحن وطلعت على أول طيارة ومن حسن حظها الطيارة كانت إماراتية ورايحه على برمنجهام فـ إنجلترا من مطار القاهرة.
المهم القطة المحظوظة دي طارت لمسافة 3000 ميل على إنجلترا من غير باسبور ولا فيزا ولا حتي دفعت ضريبة على التذكرة، وهناك العمال طلعوها من الطيارة وسلموها للأمن و الأمن حولها على الطب البيطري علشان يكشفوا عليها، القطة هتفضل فى العناية لمدة 14 يوم علشان تخلص الكشوفات والتحاليل ويتاكدوا ان معندهاش أمراض (14 يوم يا بشر)
تقوم الإمارات تعمل إيه! تقول أنا اللى هتكفل بكل مصاريف العلاج والتحاليل علشان "كايرو" جايه على الخطوط بتاعتي (نسيت أقولكوا انهم سموها كايرو علشان جايه من مصر) وفى نفس ذات الوقت عملوا إيميل ل كايروا علشان لو أي أسرة إنجليزية عايزة تتبناها وفعلا بيستلموا عليه الطلبات 
كايروا (ركبت طيارة إماراتية وسافرت أوروبا واتعالجت أحسن علاج وهتروح تسكن عند أسرة إنجليزية تقدّرها)
والله كايرو دي محظوظة أكتر من نص المصريين بس إحنا مش هنسكت لـ يرجعولنا كايروا لنروح عندها إحنا قططنا متطلعش بره ههههه
المصدر: BBC
سياحة سفر أوروبا سافر إقامة مصر بريطانيا طيران قصص