قصة سفر محمود بديرلـ 13 دولة فى أسيا
السلام عليكم أنا أخوكم محمود بدير 19 سنة بحكي قصتي في السفر للناس إللي واخدة السفر دا علي إنه حاجة صعبه بالعكس دي حاجة جميلة جدا ومتزعلش إن باسبورك ضعيف بس لو كل البلاد كانت مفتوحة للمصرين مكنتش هتحس بطعم الفيزا اللي علي باسبورك وكمية الصعوبات اللي بتوجهك صدقني بيكون ليها لذه
أنا بداية قصتي إنى اتخنقت جدا من مصر وأنا 16 سنة بعد ما كان كل حلمي اركب طيارة الحلم دا معايا من وأنا في الإبتدائي كان كل حلمي الطيارة .. قررت السفر الي كوريا الجنوبيه لانها الدولة الوحيدة اللي إقتصادها كويس ودخل المواطن كويس وممكن لو قررت أشتغل فيها الرواتب فيها مجزية
خدت قرار السفر وحجزت من شركة التركية للطيران كان وقتها التذكرة 5600 طبعا دا سعر خيالي بالنسبة للتذاكر دلوقتي علي كوريا بس قولت للموظف هناك انى عاوز ترانزيت 24 ساعه لان سني يسمح ليا ادخل تركيا بدون فيزا وحجزت التذكرة وسافرت ونزلت تركيا وختمت دخول وبعد ما ختمت لفيت من باب الدخول وانتظرت في المطار 24 ساعه منتظر الطيارة اللي هتطلع علي كوريا
سبب دخولي تركيا بالختم فقط ممكن واحد يقول انت عبيط ؟ اقوله لان أي مصري بيروح كوريا لازم بيتعمل معاه انتر فيو علشان يعرفو انو جاي سياحة ولا شغل .. ركبت الطيارة علي كوريا ولما نزلت المطار الظابط قالي ادخل مكتب الهجرة دخلت عملو معايا انتر فيو وسبب دخولي كوريا كان ختم تركيا علشان لما سالني دخلت تركيا يوم واحد ليه قولتلو علشان كنت جعان نزلت في مطعم مشهور فى تقسم اكلت وطلعت علي فندق المطار نمت وقمت الصبح علي طيارة كوريا استغرب جدا قال بس الواد دا واثق جدا من نفسه وفعلا داخل سياحه
وبالفعل دخلت كوريا وبدات قصتي مع 13 دولة في اسيا .
طبعا أنا لا نزلت تقسيم ولا مطاعم ولا فنادق بس دا من باب الفشخرة بس في المطار مش اكتر انا كنت نايم في الانتظار علي البلاط
نزلت كوريا طبعا ودورت علي شغل المهم ربنا رزقني بشغل براتب 1800 دولار دا بقي اول ما سمعت الراتب دا حسيت نفسي في فيلم هندي
:D المهم اشتغلت 3 شهور وفاضل في الفيزا عندي يومين بعد ما دخلت كوريا خت الختم في المطار بشهر وروحت مكتب الهجرة جبت كمان شهرين المهم فاضل علي الفيزا يومين ولازم اغادر فتحت موقع لحجز تذاكر الطيران المهم شوفت البلاد اللي جمب كوريا وينفع السفر ليها من غير فيزا طبعا لقيت
هونج كونج التذكرة 300 دولار ذهاب وعودة
حجزتها وسافرت علي هونج كونج طبعا كان الرطوبه عاليه جدا من ناحية الجمال فا هيا جميله جدا بس مشكلتها غاليه حبتين، كنت حاجز في جيت هاوس 5 ليالي قولت استغل الايام دي أسأل عن أسهل سفاره هنا بالنسبة للمغتربين أو السفارات اللي بتسمح للي جاي سياحة يقدم واحد مصري اتعرفت عليه هناك قالي ممكن تجيب تايوان
صراحة تايوان دي كنت اسمع عنها وانا صغير علي المنتجات بس عمري ما اتصورت ان في بلد اسمها تايوان
المهم روحنا الصبح قدمنا أنا وصاحبي وعلشان هو دا راح تايوان كذا مرة عمل ضمان في السفارة علي إني مش هكسر في البلد المهم هما بيوجهو اسأله زي أي سفارة بس الصايع اللي يخلع من الاساله دي المهم قدمنا الفيزا مستعجلة بتطلع في يوم المهم روحنا الساعه 2 علشان نشوف التاشيرة فا لقيت المسئول اللي قاعد بيقولي انت كنت في كوريا 3 شهور بتعمل ايه ؟؟
طبعا لازم التفكير والرد يكونو في لحظات قولت لو قولتلو أنا شغال في البيزنس سني وقتها 17 سنه مش هتركب لو قولتلو سياحة بردو مفيش سياحة 3 شهور -- المهم قولتلو أنا اتعرفت علي بنت كورية في خلال الإسبوع اللي كنت رايح فيه سياحة المهم صار بيني وبينها علاقة وقالتلي انها مش عاوزاني انزل مصر دلوقتي وافضل جمبها ومثلتلو دور سوما العاشق المهم ضحك واعطاني الباسبور عليه الفيزا علما بان سوال كنت في كوريا 3 شهور ليه دا بعد ما كان اصلا حاطط الإستيكر بتاع التاشيرة بس طبعا لو في أي خلل في الكلام تاني هيكنسلها ودي قصه هونج كونج.
خلصت رحلتي في هونج كونج ورجعت تاني علي كوريا بعد ما خت تاشيرة تايوان والمدة في التاشيرة 14 يوم من تاريخ دخولك تايوان المهم رجعت تاني علي كوريا طبعا كنت صرفت فلوس كتير في هونج كونج لان البلد غاليه جدا، نزلت كوريا واشتغلت الامجريشن مرضاش يجددلي الفيزا بتاعتي مش عارف السبب لحد الان ..
كان لازم اغادر علي بلد المهم قررت المغادرة علي ماليزيا بحكم بردو إنها من غير تاشيرة للمصرين .حجزت علي طيران اير اسيا ب450 دولار ذهاب وعودة المهم نزلت ماليزيا والرطوبة عاليه زي هونج كونج والماليزين صراحة كنت بخاف منهم كدا مش عارف لية ركبت باص ب10 رنجت ل CHAINA TAWON دي منطقة جمب التايم اسكوير والمنطقة دي جمبها شارع العرب في البوكت بنتانك .
نزلت في فندق هناك وشارع العرب دا كلة وساخة وقرف والبشر تحس انهم هيغدرو بيك المهم نقلت في فندق بعيد شوية لاني صراحة كنت خايف من المنطقة دي .. حبيت اشوف سفارة تجيب ليا اي تاشيرة بردو وانا سياحة بعد ما دورت لقيت مكتب صيني بيجيب تاشيرة سنغافوا ب110 رنجت يعني بما يعادل 200 جنية مصري والتاشيرة بتطلع في 5 ايام وقدمت عليها وانتظرتها وعندي لهفة اني اشوف التاشيرة علي الباسبور وبعدين قعدت في ماليزيا حوالي إسبوع
ماليزيا جميلة جدا ورخيصة جدا بس ابعد عن المناطق إللي فيها العرب علشان ترتاح وأعتقد إنها كانت تجربه كويسة وتعرف علي ثقافة مختلفة بالنسبة ليا .
بعد ما خلصت فيزا ماليزيا قررت أسافر سنغافورة شيكت على التذاكر على موقع إسكاي سكانر من هـنـا
لاقيت تذكرة بـ 35$على طيران اير اسيا ، ونزلت سنغافوره هى بلد جميلة جدا لكن غالية منصحش حد يشتغل هناك لان قانون البلد صعب وبيطبق على المخالف والسجن والغرامة ، والفادق غاليه جدا أقل فندق 8
مُدت إقامتى فى سنغافورة كانت يومين فقط، بعد كدا حجزت طيرتى على إندونسيا ......
كل الشكر والتقدير لمحمود لمشاركته قصته معانا <3
