من قصص السفر قصة Mohamed Gayer للمالديف 

المالديف ببلاش 💓
مبدئيا طلعت لوحدي ومن غير شركات سياحه .. الشنطه ع ضهري والخرايط وتوهت وسط الولا حاجه 
كل ما دورت وتابعت كويس كل ما عرفت تفاصيل اكتر وعملت كل حاجه بأقل تكلفه.
 التكاليف جزئين :-
الطيران ( ده أغلى حاجه ) و الاقامة. 
هناك التعامل بالدولار فانت وشطارتك تشتري من هنا بأقل سعر وطبعا مش هاتلاقيه غير ف البنك .. لو ليك حساب ف البنك هاتاخد ٥٠٠ دولار ب ٨.٨٨ج .. شوف بقى وفرت كام والدولار النهارده وصل ١١.٧٠ج 
لازم تعمل حسابك ف ١٠٠ دولار ع الاقل ع جنب للطوارئ بس 
في نوعين من الجُزر ( محليه وسياحيه ) 
انا قعدت ف المحليه مع سكان المالديف ( جزيرة مافوشي ) وباكل وبشرب معاهم ومركبتش تاكس نهائي .. عيشت زيهم بالظبط 
الاقامه ٨ ايام فطار وعشا ب ٢٨٤٠ج .. يعني كده احتياجتك الاساسيه ( اكل وشرب ونوم ) متغطيه. الباقي بقى اتشقلب بيهم براحتك الحياه رخيصه جدا وامان جداا .. حجز الفندق من ع موقع بوكينج من هـنـا  
الصور الخرافيه عن المالديف موجوده ف كل حته بس بشكل مختلف شويه ف الجزر السياحيه الغاليه جداا .. لكن تقدر تقضي يوم ف الجزر دي وتتغدى وتتصور وتعمل كل حاجه بدايةً من ٦٥ دولار ف اليوم . يعني ممكن تزولك بتاع جزيرتين سياحيتين جنب الجزيره المحليه اللي هاتقعد فيها وكمان ماليه العاصمه اللي فيها اماكن جميله جدا وكتيره وكمان جزيرة هولومالي ودي اللي فيها المطار وكده يبقى انت عملت كل حاجه وبأقل تكلفه.
الطيران:
اقل سعر لقيته ٦٥٠٠ رايح جي ع القطريه وده مبلغ زي الفل لانك هاتسمع ارقام تانيه فلكيه 
المالديف من غير تأشيره يعني تاخد التذكره وتطلع ع المطار وهناك هتاخد تاشيره ٣٠ يوم
 لفيت جزيرة هولومالي ومافوشي وڤادو اداران وماليه ع رجلي وده لوحده متعه تانيه . 
اخيرا اجمل حاجه إنها اسلاميه والمساجد ف كل مكان وأسهل حاجه تعملها إنك تصلي
حياةً من اجل أكل العيش ليس لها معنى  عيش مبسوط وكفى 
شكرا لك يا محمد على مشاركتك قصتك معانا <3
انتوا كمان شاركونا بقصص وحكايات مغامراتكوا على #قصتي_مع_سافر