من قصص السفر لجورجيا

قصة على عادل

 جورجيا بلد القوقاز سمعت عنها كتير من كذا سنة وكل مافكر ازورها اقول اية دة أنا أية اللي هيوديني هناك لغاية من شهر نوفمبر إللي فات وكررت أقدم علي فيزتها ،، شوية معلومات من علي الفيس استعنت بالناس الخبرة اللي زارتها او قدمت علي فيزتها لاقتها سهلة جدا للمصرين
فيزتها اونلاين بتطلع في إسبوع تقريبا بي ٢٠دولار ،،قدمت عليها واخدتها الحمدلله وقررت اروحها مع رحلة تركيا في راس السنة بس للاسف مروحتهاش ورحت تركيا بس ،، المهم قررت تان اني اقدم قدمت واخدتها والمرة دي قررت اروحها لوحدي واستغل اجازة العيد واستكشفها
حجزت علي اير كايرو الغردقة تبليسي طيران شارتر مرتين كل اسبوع تقريبا حوالي ٢٥٠٠ جنية مصري حجزت ورتبت نفسي اني هروح باطومي وتبليسي لمدة اربع ليالي ودة طبعا محصلش خالص  لاني في الطريق للمطار احمد منصور كلمني علي الفيس وسئلني انت مسافر امتي قلتلة أنا في الطريق للمطار قالي اشطة أنا كمان نفس الطيارة ،،
أنا معرفش أحمد و أول مرة أقابلة وهو كمان فرحت أنا مش هبقي لوحدي اشطة وصلت الغردقة وقابلت أحمد اتعرفنا شاب لذيذ ومحترم جدا وفرحنا طبعا اننا هنسافر سوا لانة كان لوحدة كمان وقالي ان في كمان واحد هيقابلنا في المطار برضوة مسافر معانا علي نفس الرحلة تمام اوي هنبقي تلاتة روحنا المطار خلصنا الإجرات وختمنا ومستنين طبعا محمد حمودة بعد شوية قبلناه محمد شخصية ظريفة ومحترم جدا بس بيخاف من المية ودة حصل لما عملنا رافتنج وهحكي حصل اية بالظبط ،، بدانا نتعرف احنا التلاتة وكدة واذا بزيزو داخل علينا بيسئلنا انتو مسافرين جورجيا قولنا اه قال تمام انا برضوة علي نفس الطيارة ههههه تمام اوي كدة بقينا اربعة  زيزو او عبد العزيز شخصية جدعة ومحترم جدا وبكدة بقينا اربعة طالعين بلد القوقاز اول مرة نروحها اول مرة
نتقابل اول مرة نشوف بعض اصلا  وصلنا المطار ختمنا أنا وأحمد روحنا هوستل واحد ، محمد راح هوستل تاني كان حد مستنية هناك وزيزو راح هوستل برضوة لوحدة انا قولت إحنا خلاص كل واحد راح لحالة ومش هنتقابل غير صدقة بس حصل العكس واتقابلنا وعملنا احلي مغامرة سوا أول يوم ليا انا واحمد لفينا في تبليسي واستكشفنا مكان الهوستيل والأماكن اللي حولية وكدة واتمشينا كتير وبعد كدة رجعنا الهوستيل ارتحنا وانا نمت بليل خرجنا روحنا عند جسر السلام وركبنا التليفريك بس قبلها استنينا زيزو واتقابلنا تاني وقضينا بقيت اليوم في تبليسي بستكشف بلد القوقاز واتصورنا طبعا بعد كدة روحنا حجزنا مع شركة سياحة انا واحمد عشان نروح كزباجي ونشوف جبال القوقاز عملنا ديل مع الشركة ليومين اول يوم كزباجي وتاني يوم متسخيتا وجوري روحنا واقنعنا زيزو يجي معانا وفعلا راح الصبح حجز والحمد لله كان في مكان فاضي وانطلقنا مع جروب الشركة من عشرين فرد تقريبا ،،انطلقنا وبدانا الرحلة طبعا وقفنا في الطريق في اكتر من مكان فية مناظر طبيعية من احلي الاماكن والمناظر اللي شوفتها في حياتي بجد انا مش فاكر اسميهم بصراحة الاسامي هنا رخمة وصعبة بصراحة انك تفتكرها وقفنا مرتين تقريبا قبل مانوصل كزباجي طبعا جبال خضرة ومناظر طبيعية والنهر لونة بيجنن بصراحة ،،وصلنا كزباجي وقفنا ونزلنا كان فية مطعم عملنا اوردر عشان لما نرجع ناكل ركبنا عربيات 4*4 عشان هنتطلع الجبل كان في ناس بتطلع طبعا علي رجليها وكدة بس احنا مكنش معانا استعدادات لكدة طلعنا وشوفنا اجمل منظر ممكن تشوفو في حياتك من جبال وخضرة ومنظر الجبال وسط السحب حاجة بتخطف العقل بصراحة مكنتش عاوز ارجع بعد اللي شوفتو اتصورنا وقاعدنا شوية وبعدين اتجمعنا عشان ناخد طريق العودة نزلنا بالعربيات ونزلنا المطعم واحنا كنا طالبين اكل جورجي اسمة خاتشبوري عيش علي شكل قارب كدة ومفتوح من النص فية جبنة وبيض تقريبا المهم تقريبا احنا التلاتة مكلنهوش كلة بصراحة خلصنا ورجعنا في نفس اليوم الساعة ٨ بليل وبكدة تقريبا اليوم خلص ،،،،
انتظروا باقي المغامرة

#سافر_جورجيا #سافر

أعرف أكتر عن جورجيا من هنا