أشهر وأشهي الأكلات فى إسطنبول


أشهرالأكلات فى إسطنبول 

إسطنبول مدينة متنوعة وفيها جميع أنواع الأكلات الشرقية والغربية المتنوعة والشهية
إسطنبول فيها مطاعم كتير جدا بتقدم أنواع كتير من الأكل سواء اللحوم أو للنباتيين لو انت نباتي أنصحك متكملش

1- لهمة جون

من الأكلات المحببة لمعدتي هي زي المنقوشة فى بلاد الشام أو اللحم بعجين فى لبنان أو البيتزا فى إيطاليا أو الفطير باللحمة فى مصر، تتكون من (لحم مفروم – بصل – فلفل أحمر – بقدونس –عصير ليمون) تخبز فى الفرن وتقدم ساخنة، وجبة طعمة جدا وكمان أطلب معاها لبن العيران وده المشروب التركي الرسمي
 Midye dolma  -2 ميدي دولما

لو انت مش بتحب السمك زيي أول متشوفها هتقرف منها، بس أنا قولت لازم أجربها وطلعت حلوه جداااا وهي وجبه من المحار والأرز المتبل وبيتقدم على نصف صدفة ومعصور عليها ليمون، الغريبة ان المحار غالى جدا ومش موجود غير فى المطاعم الكبيرة إلا ان فى اسطنبول بيقدموه على عربيات فى الشارع وسعر الواحده منهم ليرة ممكن تاكل 12 لغاية متحس انك مش قادر تتحرك

Dürüm -3 دوروم

هي وجبة من الدجاج أو اللحمة أو الجبنة أو الخضروات محشية فى الخبز التركي، اللى هيلفت نظرك أن الوجبات دي هي نفسها موجوده فى أفخم الفنادق وباضعاف السعر اللى بتباع بيه فى الكشك اللى فى الشارع

Simit -4 سيميت

أيوه هو السميط بتاعنا بيفطروا بيه بس ده أطعم بكتير وكمان ريحته حلوة جدا، كل السياح وكمان الأتراك وموجود فى الشوارع بيتباع على العربية زي اللى فى الصورة. افطر بيه وابدأ يومك
Balık-ekmek - 5 بالك إكمك
ساندويش السمك الشهير فى تركيا موجود فى "كراكوي" أو شاطئ "إمينونو" كتير جدا، خد بنصيحك الأتراك دايما بيقولوا "الساندويتش والمطعم دونت ميكس" بياكلوا السندوشات وهما واقفين او ماشيين
Kokoreç - 6 كوكوريتش
دي الامعاء بتاعت الأغنام إحنا بنقول عليها ممبار بس هما بيعملوه أكيد مش عارفين ده إيه اللى بطريقة مختلفة وبيحشوا الأمعاء بالفشة والكرشة والحاجات الغريبة دي اللى انا مبحبهاش بيحبها ممكن يجربها بيقولوا عليها حلوة.
Kumpir -7 كومبير

دي وجبة مكونة من البطاطس والجبنة والزبدة وممكن تضيف عليها أي إضافات تانية زي الميونيز والزيتون والمخلل إلخ، وهي بردو من الوجبات المشهورة اللى بتتقدم فى الأكشاك فى الشوارع
Kebap  -8 الكباب
كِباب بينطقوها كده (بكسر الكاف) الكباب موجود فى كل مكان وبأنواع كتير جدا (شاورمة – كفتة – أسياخ اللحمة) أوعي تروح تركيا ومتكلش كباب وخصوصا الشاورمة بيعلوها بطريقة فظيعة أنا كنت باكلها تقريبا كل يوم لأنها اكلة سريعة وطعمة وكمان رخيصة.
Tavuk pilav - 9 تافوك بيلاف
 
مش عندنا فى عربية فول فى الشارع، عندهم فى عربية فراخ ولحمة تاخد الطبق بتاعك وتقف تاكله على العربية زي عربية الفول بالظبط، والغريبة ان الأكل حلو جدا 
10-الكِسر

طبق جانبي من أحد الأطباق المشهورة في تركيا، وخصوصا الجزء الجنوبي منها، ويعود أصلها لمدينة مرسين التركية.وهي عبارة عن طبق جانبي من عائلة السلطات، يتكون من البرغل الذي يحمص قليلا على النار، مع صلصة البندورة، ويمزج مع الفلفل الأحمر الحار مع زيت الزيتون، وبعد التحميص يخلط بأنواع مختلفة من الخضروات كالبصل الأخضر، والبقدونس، وقطعات من الخس، ويعصر عليه الليمون، والقليل من أصنص الرمان الحامض، ويعتبر الكسر من أكثر السلطات توفرا في المطابخ التركية لرخص مكوناته وسهولة تحضيره.
سافر وجرب كل بلد ليها أكلها الخاص المميز اللى هيفضل مميز فى ذاكرت

نقوم بتوفير كل شيء بخصوص تركيا ( الفيزا - الإستقبال من المطار - حجز الفنادق - برامج للرحلات اليومية  - حجز الطيران الدولي والداخلي - تأجير سيارات خاصة - تأجير شقق مفروشة فى أغلب المدن - تنظيم المعسكرات الرياضية)
متاح أيضا التقديم على الإقامة فى تركيا من هنــــا
والتقديم على دراسة اللغة فى تركيا من هنـــا
* يمكنك التواصل معنا على أرقام مكتبنا فى مصر أو فى تركيا وسنقوم بمساعدتك فى الحصول
على الفيزا سواء زيارة أو سياحة أو إقامة أو دراسة أو عمل او علاج.
للحجز أو الاستفسار عن أي تفاصيل برجاء التواصل معنا على رقم الشركة
مكتب مصر: 00201018647306 _ 00201279309900 
ايميل: [email protected]
مواعيد العمل: من السبت للخميس من الساعة 8 صباحاً لـ 6 مساءًا.
مكتب تركيا: 00905445019185 (WhatsApp)
ايميل: [email protected]  
مواعيد العمل: من الأثنين للسبت من الساعة 9 صباحاً لـ 6 مساءًا.
إسطنبول فى إنتظاركم ونتمني لكم رحلة سعيدة
تابع كل عروض سافر من هـنـا

سافر أوروبا سياحة سفر تركيا سفارة إقامة مجانا اسيا إسطنبول الأكل