من قصص السفر لأمريكا


قصة رقم (4)
قصتي مع سافر لسلام عليكم، أنا مصطفى بلال هشارك معاكوا فى مسابقة
انا سافرت الى :
ماليزيا : كوالالمبور
الامارات : دبى والشارقة
 امريكا : واشنطن العاصمة و نيويورك وفرجينيا وميريلاند

انا من هواة السفر , وانا فى مصر كونت بسافر كل المحافظات وكنت بحب التعرف على اصدقاء من جميع مصر من صغرى , روحت اغلب مدن وقرى مصر , مش هاطول عليكم انا عارف كلكم عاوزين تعرفو تفاصيل اكتر عن السفر برا مصر وانا حاليا اعيش فى الرياض المملكة العربية السعودية .
طبعا عاوزين تعرفو تفاصل الرحلات هابدأ لكم أمريكا على شان عارف الأغلب يحب الذهاب لها
أولا التاشيرة :
مش زى ما البعض فاهم الموافقة حسب مزاجهم لا خالص . هما عاوزين يتاكدوا من انك هاتسافر وترجع تانى وعلى شان كدا بيطلب اوراق تثبت كدا , المعاملة فى قمة الاحترام لو اتوافق على التاشيرة هايقولك وانت واقف ولو اترفض هايقولك برضو وأنت واقف وايه السبب بصراحة .
امريكا من الدول اللى بتدى تاشيرات متعددة وكمان وانت بتقدم بيطلب منك متعملش اى حجوزات لحد ماتاخد التاشيرة عكس اروبا خالص لازم تعمل كل الحجوزات طيران وفندق .
 لو ربنا كرمك واخت التاشيرة حاول تسافر فى وقت تذاكر الطيران تكون رخيصة بتفرق كتير , كمان الحجوزات سواء من على النت او شركة سياحة زى سافر حاول تحجز الارخص والاحسن اتعب شوية فى البحث هاتوفر معاك كتير.

انا ساكنت مع اسرة امريكية شهر ب 10000 دولار مع الاكل , كان ممكن اسكن فى فندق قريب من نفس السعر بس فضلت اسكن مع عائلة على شان اتعرف على المجتمع من الداخل , واشنطن بلد جميلة ونظيفة ولكن كلها مصالح حكومية ومتاحف فى كل مكان , يعنى لو بتحب الشواطئ يفضل تروح على فلوريدا او ميامى هما اماكن سياحية اكتر , المجتمع هناك كل واحد فى حالة ومش هاتلاقى شرطة تفتشك كل شوية هاتلاقى اكل حلال كتير ويفضل ماتشتريش هادايا من هناك على شان مع فرق العملة تطلع غالية جدا , نسيت اقولكم اغلب واشنطن بتقفل الساعة 9 بليل والسهر بيكون سبت واحد
انا سافرت على مطار واشنطن وانا فى الطيارة ناس كتير خوفتنى ممكن يرجعوك لو شكو فيك وكلام زى دا كتير المهم انا مشفتش اى حاجة من دا غير كل احترام , لو هاتسافر امريكا يفضل متخدش لاب توب او فلاشات او اكل لان الحاجات دى بتخليهم بفتشوها بزيادة
نيويورك بقى هيا جميلة بس مش زى ما انتم متخيلنها , اشهر مكان فيها هو تايم اسكوير دا وسط البلد محلات ومطاعم , ولكن انا حبيت اكتر الشاطئ بتاعها ومنطقة تمثال الحرية , كمان فيه عبارة كبيرة على الشاطئ بتركابها ببلاش وفاخمة 3 ادوار وممكن تركب طيارة هيلوكوبتر ب 180 دولار لمدة 15 دقيقة تلف بيها فوق نيويورك وممكن تدخل سينما فاخمة ب 20 دولار كراسى
مريحة جدا , وانت فى نيويورك خلى كل موصلاتك بالمترو بتشترى تذكرة ب 300 دولار اسبوع كامل مفتوحة والمترور مغطى كل نيويورك اسهل واحسن وارخص واسرع ومفتوح 24 ساعة , اما فى واشنطن اخرة على الساعة 1 وبردو احسن وارخص .
بحاول اختصر عليكم على اد ما اقدر.
#ماليزيا من أجمل الدول اللى روحتها جبال خضراء وناس طيبين والحياة هناك رخصية وبدون تاشيرة للمصرين , الناس اللى صعب عليها تاخد تاشيرة امريكا او اروبا انصحك بماليزيا والجو هناك خيالى , انا قعت 5 ايام كان منهم 4 عمل , ويوم طلعت على منطقة اسمها جينتج رهيبة وهدووووووء خيالى للناس اللى بتحب الهدوء والمناظر الخضراء .
دبى بلد جميلة ولاكن غالية جدا ولازم تروحها فى وقت الشتاء لان جوها زى دول الخليج حر جدا
اوروبا العرب , وانا فى امريكا قابلت امريكان كتير نفسهم يزرو دبى
#الامارات
باختصار السفر ممتع جدا , وانصحكم بعد خبرة سفرياتى ,لو انتى مصرى ونفسك تسافر وتتمتع بارخص التكاليف والاجراءات , لو ماسافرتش داخل مصر لازم تسافر الاول الاقصر واسوان والغردقة وشرم الشيخ لانهم مش اقل من مدن عالمية , كمان ممكن تنزل فى فندق فى شرم الشيخ او الغردقة ب 500جنية او اقل لو فى دبى نفس الفندق والغرفة ب 2000 درهم , وبعدين ابقى اطلع على دول شرق اسيا زى ماليزيا او سنغفورا او جزر الملديف مسلمة وبدون تاشيرة ورخيصة , وجوها خيالى من مناظر طبيعية واهلها طيبين للغاية.
اسف لو طولت عليكم حبيت اختصر على اد ما اقدر , ولو فى اى سؤال بالنسبة للدول اللى روحتها تحت امركم
شكرا ليك يا مصطفى ، أسعدتنا جدا بمغامراتك منتظرين مغامرتك الجاية

فيزا امريكا قصص دبي ماليزيا سافر سياحة سفر مجانا أمريكا