قصة ميرنا والسفر لألمانيا
قصة رقم(5)
دي قصتي مع ألمانيا...
بدأت رحلة الكابوس اللى بتطارد اى مصرى حلمه يكتسب خبرات ويشوف الدنيا بعنيه هو مش بعين الناس، وسط رفض تام من اهلى واحلام ضعيفة بتتشعبط ف امل شبه مش موجود بدأت رحلة المعاناة للوصول الى الاتحاد الاوروبى، اصحابى اللى مسافرين معايا راحوا قبل كده الاتحاد الاوروبى وانا بس اللى اول مرة اسافر، بدأت من قبل ميعاد السفارة ب3 شهور اظبط حساب البنك اشيل نص المبلغ وازود عليه شوية بعدها ب ١٠ ايام .. قريت كتير ودورت لوحدى برضو احساس انك عملت كل حاجه لوحدك احساس ميتوصفش بتحس انك مفيش حاجه تقف قدامك و بتستقوى بنفسك ..
يوم الحسم طبعا اتسألت أسئلة كتير رايحة فين وليه وكل ده وقالولنا هيتبعت الباسبور ع البيت بعد ١٠ أيام
طول ال ١٠٠ أيام مفيش فكره مسيطرة ع دماغى غير انا وصلت لايه كم الحاجات اللى خططتها بينى وبين السفر خطوة بينى وبين حلم حياتى قرار يمكن ميفرقش ف حياة الراجل اللى هيقرر يدينى الفيزا حاجه من اسوء لحظات الانتظار الساعات اللى قبل الباسبور بتفضل تدور ع حاجه تشغلك ف تمسك نفسك بتفكر ف السفر ولما جت الفيزا كان احلى شعور ف الدنيا احساس زى لعيب الكورة اللى جاب الجول ف اخر دقيقة وخد البطولة، انا واثقه انى هتعلم كتير وشخصيتى هتتغير نفسى اتوه والف واتعلم وان شاء اعمل كده
سافر شكرا ليكم ساعدوتنى كتير واستحملتونى في اسئلة هبلة اوى ربنا يكرمكم.
"إذا لم تخطط لحياتك فـ أنت جزء من مخططات الآخرين"
#قصتي_مع_سافر
