المدونة
من قصص السفر لتايلند
من قصص السفر لتايلند
قصة رقم (6)
من قصص السفر Bahader Abduallah
نفسي أكتب قصة لرجل عظيم قابلتةشهر أكتوبر 2015 , قررت انا و مراتي نسافر تايلاند من حدودها مع بورما الي ماليزيا , و قررنا نتصور في مكان يبعد 2 كم من بورما , نزلنا المطار في بانكوك كنت حاجز في فندق صغير و الطيارة الي مدينة شانج راى كانت 7 صباحا ,وصلنا الفندق بشانج راى, اليوم التاني أخذنا ميكروباص 5 ساعات بيطلع جبل تقريبا 200 كم بسبب الطريق كلة ملتوى وصلنا بليل فمدينة صغيرة اسمها ماي هون صن و الفندق المستهدف بيبعد عن المدينة بساعتيين بمنطقة بان راك طاي , في موقف الأتوبيسي أخذت تاكس 25 كم للفندق و القصة ابتدت من هنا .
الخطة ان احنا نأجر مصور و لأسف عشان مش بنعرف نتكلم بلغتهم فكنت بنتواصل مع الأجانب الى عايشين هناك و طلباتهم فعلا كتير جدا اكتر من 2000$ في الساعة زأد فلوس النقل و اى حاجة تانية فقررت ان من المدينة هندور على حد.
الولد بتاع الفندق استقبلني الساعة 9بليل و بادفع و بياخد بيناتي فهمتة انا جاى هنا لية.
قالى : المدينة بعيدة و صعب تدور دلوقتى بكرة أنزل معاكم أساعدك تعمل الى انت عايزة.
انا: طيب فى حالة ان ملاقناش حد, ممكن أأجر كاميرا و حد يصورنا .
هو :فى عندنا ناس يشرفها انها تخدمك او نستأذن من النزلاء يصوروك.
انا : طيب في حالة ان مفيش كاميرا تتأجر .
هو : نروح مدينة تانية يوم تانى او نكلم حد .
انا: طيب ممكن نأخد كاميرا من حد في الفندق كام ساعة .
لاسف صعب جدا اطلب منهم بس انا معايا كاميرا ممكن اديهالك طلبت منة اشوفها لقيتها كاميرا فوجى بروفيشنال , والله اتخضيت قلت بيشتغلنى قالى بس دية قديمة و مش هتجيب الى انت عايزة , طلبت من اشوف اي صورة هو مصورها , رجع مكسوف بكتالوج و ورانى صورة الفندق الى بسببها جيت من مصر عشان اتصور هنا بجد كنت فرحان جدا بس تمالكت نفس عشان اشوف اخر القصة .
انا : موافق انك تصورني بكرة لو انت فاض.
هو : انا سعيد, ياريت تنام عشان لو حظنا حلو الشبورة بتكون ناحية البحيرة و السحاب قريب من الجبل و التصوير هيكون الساعة 10 الصبح او 1 الظهر .
بصراحة انا مصدقتش و قلت بكرة هنزل ادور لو بيشتغلني , الساعة 8:30 صباحا الباب هيوقع من التخبيط , فتحت قالى انت محظوظ أنا جاهزانا و مراتى جهزنا و الولد اقسم بالله, كان بيجرى بالموتوسيكل عشان يصورنا من جبل تاني متخيليين .
خلصنا و غيرنا و كلمتة قلتلة عايز تاكس عشان الف في البلد و ازور معالمها قالى حاضر و قالى قبل متروح تفطر عدى فى المكتب شوف الصور , انا اخذت معايا الفلاش ميمورى و رحت , قبل اى حاجة فرجني علي الصور كلها و نقلها على الفلاشة و مستني يقولى عايز كام , الصراحة الموضوع كان محرج جدا نفس اديلة زى ما الاجانب بياخدوا بس كمصرى :) انتو فاهميين طلعت بما يعادل 700$ عشان ابدء الفصال , مسك الفلوس وبصلي و قالى دى فلوس اية , قلت حقق انت أشتغلت عشاني:] ضحك و قالى انا صاحب الفندق , طيب عايز كام, انا عايزك تكون مبسوط و سعيد انك اخترتنا فيوم زى دة , هقتلك من لطفك , قلتلة انا مش ماش غير لما تاخد من فلوس , سحب بخجل مبلغ لايتعدى ال700 جنية مصرى و قالى ممكن بدل متأجر تأكس اكون السواق بتعكوا النهاردة.
قول لطنط انا الي عايز افرح
كل لحظة سطر بقصة
افرح بناس
مش هقعد علي الأرض في نمل
مزارع الشاي الأخضر
الطف رجل في العالم
صلينا العيد مع المهاجريين :D
وعلشان الراجل ده جدع احنا كسافر بننصح اي حد يسافر تايلند ينزل عنده،
اسم الفندق: Lee Wine Ruk Thai Resort
والحجز من هنا: http://goo.gl/mGvjN0
اسم المدير: tonn، لو حد هيروح يسلم عليه كتير
من مسابقة #قصتي_مع_سافر
إترك تعليق