قصة محمد والسفر للصين


قصة رقم 8 
النهارة معانا مشاركة مميزة من صديقنا محمد زكي
فى مسابقة #قصتي_مع_سافر 
هنشرح هنا إزاي تروح الصين وتسكن وتاكل وترجع تاني بالسلامه ، وبسعر يارب يكون كويس للجميع ،،
١- الفيزا: جواز سفر صالح لمدة ٦٦ شهور ، كشف حساب بنكي ، جواب من جهة العمل ، او سجل تجاري وبطاقه ضريبية ، ٢ صورة شخصية حديثة خلفيه بيضاء ولازم تكون جيذة في ناس جوازتها بترجع بسبب الصورة بالذات في سفارة الصين ، سعر التأشيرة ٣٠٠ جنيه داخلة واحدة ، ٥٠٠ عدد ٢ داخلة ،
وممكن تودي الورق اي شركة سياحة وهما يعملوها ، مش شرط الحضور بشخصك.
2- الطيران : أنا عن نفسي بفضل الذهاب ع مصر للطيران لانها رحلة بدون ترانزيت ، خاصة إنها رحلة طويله ١٠ ساعات ، سعر التذكرة يبدا من ٥٥٠٠ جنيه ، وممكن تشوفوا ع skysccaner
هتلاقوا أسعار تانيه لخطوط أخري بس الترانزيت في الذهاب والعودة كتيير ، أحيانا ً ومش دايما بيكون في فرق يستاهل ، بس أيام العروض ممكن توصلوا لفرق كويس.
3- الاقامه : في جوانزوا في فناادق كتييير جدا سعر الليله من ١٥٠ جنيه. تقدر تقعد في مكان كويس جدا وغرفه مريحة ، طبعا ومتاح الهوستل بردو بس السعر هيكون مقارب لفنادق من اللي ب ١٥٠ جنيه ، زي فندق ليه اكتر من ٧٠ فرع اسمه 7days inn رخيص وممتاز.
4- المواصلات تقدر تعمل كرت المترو ، من أي محل 7 eleven والموجود بكل المحطات تقريبا سعر الكارت ٥٠ ريميبي وفيه رصيد ٥٠ بردو وتركب بيه اي محطة وبيحسب العر ع حسب انت راكب كام محطة ، بدايه من ٢ ريميبي واقصى حاجة ١١ ريميبي ،سهل سريع بيغطي كل المدينة ،شبكة كبيييرة جدا من الخطوط ،
والاتوبيس متوفر وبكثرة وخدمة محترمة بس لو إنت أول مرة تروح ممكن متقدرش تعرف الارقام أوي.
دا غير إن المترو ليه Appp يقدر يوقولك أقرب محطة ليك وتختار أنت رايح فين ويقولك هتاخد وقت قد أيه وهتدفع كام ، ويحددلك إزاي توصل أقرب محطة كمان ،
اسم الابليكيشن
Guangzhou metro
Iso , android
5- الأكل : المطاعم العربيه في جوانزوا كتييير جدا مصري تركي عراقي سوري ، عيبها انها غاليه شويه ، عشان تاكل مش ااقل من ٨٠ يوان =١١٠ جنيه
 هتلاقوا صورة بالعناوين والاسماء.
6- الأسواق : سواء للشوبينج او للعمل في صورة بتوضح كل العناوين ،
الاسواق بكونزوا للعمل بتكون في مكان واحد ، بمعنى كل منتجات الاخذيه في مكان اطفال حريمي ، رجالي ،وكذالك الملابس وغيرها ،،
والشوبينج موجود عناوين كتيير بردو ،
احسن مكان للشوبينج "بايما ، شارع بكين بيجين لو ، سان ساجيو ، مكان تحفه وفي كل حاجة واسعاره جميله".
7- الفسح : جبل بايين لازم تروحوا ، وحديقه الحيوان ، وجوله في نهر بيرل وتشوفوا جوانزوا تاور، وملاهي اسيا بارك ،والسفاري،
إتفرجوا ع الصور فيها كل العناوين احفظوها عندكم
مينفعش تسافر الصين ، تايلند ، ماليزيا ، اي بلد عموما في شرق آسيا وتخاف من الأكل ، اه هو الاكل مش هيعجبك بس لازم تكون متأكد إنه حتى لو عجبك ، إنت تقدر تعيش ع الفاكهة في البلاد ديه ، كل الفاكهة موجودة وطول السنه وفي الشارع والحارة والسوق ، وببلاش تقريبا وطعمها جميل :)
سافروا ، اتمتعوا ، وشوفوا العالم ...هتنبسطوا ،،

سياحة سفر سافر قصص اسيا الصين