قصة محمد عبد الرحمن والسفر لتركيا
قصة رقم (9)
انا محمد عبدالرحمن عندي 20 سنة مشارك فى مسابقة #قصتي_مع_سافر
قصتي هتبدا من مصر
انا كان حلمي اسافر من و انا عندي 14 سنة والدي وعدني هسافر ادرس بره واحترف انا كنت بلعب كرة قدم لعب في حوالي 5 اندية و اخرهم الترسانة و ده غير الناس التانية الي اعتمد عليهم و قريبين جدا المهم فضل اشتغل علي الامل ده اتعلم انجليزي و قلت بقي الاحتراف
المهم قبل الامتحانات ب 33 شهور قالي هتغير دماغك و هتعيش عادي و انا الحياه اسودت في وشي الامتحانات علي الابواب ذاكرت قبلها ب اسبوعين بس
الحياه سوده طول الصيف و مش بعمل حاجة علي الكمبيوتر طول اليوم لحد يوم ما صحيت بحلم ان انا الي هساعد نفسي نزلت اشتغلت كان عندي 17 و شوية في محل جنب البيت بتاع ملابس و كنت باخد 600 جنية مشيت من المحل علشان الامتحانات اولى جامعة ( حقوق ازهر ) قولت المرتب ده ولا هيسفرني اول الشارع هههه
لقيت اعلان عايزين ناس في شركة نيل استوك روح و انا واثق من نفسي انا هنجح ان شاء الله فعلا نزل الشغل بعدها بيوم واحد الحمد لله كنت بشتغل علي نفسي كويس و بقول الحلم بيقرب و هسافر .
اول شهر ليا في الشغل كنت الثالث في تارجت الشهر مع الناس الي شغالة من سنة و اكتر مكنتش بشتري حاجة بالتبس ولا المرتب و ضعفت جدا المهم كنت بعمل ترجت و شغال كويس الحمد لله
علي اول السنة حجزت الطيارة و اخت الفيزا الالكترونية و طلعت الباسبور و كام واحد بس الي يعرفوا الموضوع ده، كنت مكمل في الخطة بتاعتي و الناس كلها تقولي انت بخيل و مش بتشتري لبس ولا بتاكل
كنت ماشي بداري علي شمعتك تقيد و صلت لاسبوع قبل السفر قل لامي انتي مسافر السعودية الي والدي قولتلها انا مسافر اول ما سمعت عيطت و قولتلها ده قراري
المهم والدي قالي انت مش ابني و اعمل الي انت عايزه ههههههه
قلت اول ما توصل هتحنن قلبه عليا وحصل اتصل قالي ربنا يسهلك
يبقي كده اشتغل حوالي 7 شهور في الشركة دي و مع الشغل القديم كان معايا 12000جنية طبعا بعد عذاب
اهلي عرفوا في نفس اليوم السفر استغربوا
روحت المطار خايف لا يرجعوني انا مسافر تركيا قعت ساعة مستني الباسبور بعد بعض الاسئلة المهم اخدت الباسبور وختمته هااااااااااح
نبدا من هنا تركيا
اول ما نزلت اللى كان هيجيلى مجاش ،لاقيت سواق تاكشسى ادالى دقيقة كلمت محمد إلى عرفتة على النت أخدنى على بيته، قالولى هو وأخوه أنزل أدور على شغل .
المطاعم مش عايزين و التركي بتاعي ضايع او مفيش ولا المطاعم السوري عايزه،دخلت أحسن رصيد فى محل لاقيت واحد مصري لابس شنطة الاهلىحسيت ساعتها إن بحلم بمصر اتعرفت علية وقالى انه ساكن فى سكن فيه مصريين قولت له ماشي
البيت تحت الارض 5 في اوضة من غير شباك يا عم تهون مش مشكله
عايز اشتغل برضو الفلوس هتخلص و كنت خلصت الاقامة
و اتنصب عليا طبعا كتيييييرررررر
اول شغلانة مصنع شنط 12 ساعة واقفة و متعبة علي لسه واحد جديد
مشوني ليه انا ضعيف قولت ضعييف مين
الشغلانة الثانية مزرعة عجول في بلد اسمها اسكي شهير مكملتش فيها علشان كان الماكن غير ادمي بالمره
الشغلانة الثالثة مزرعة عجول اصغر شوية مسئول بس عن 48 عجل فريزين 500 كيلو
تنضيف و اكل و اجارك الله تعب الشوال بتاع الاكل الواحد 60 كيلو و بياكلو 33 مرات في اليوم و بليل مكنتش بعرف انام من ايديا كانت بتوجعي
شهر و الراجل بقي يزود شغل علينا مش بتاعنا او الي اتفقنا عليه مشتيت بعد شهر و نص تقريبا
رجعت للبيت الي تحت الارض لقيت المصريين مشيوا علي بلاد تانية و بقت 10 في اوضة بينام 33 علي الكنبة و 9 بيدخنوا في الغرفة دي ماعدا انا كنت بهيس، بعد 3 ايام مشيت لشغل جديد و اللي كان بيجيب الشغل بياخد فلوس
الشغلانة الرابعة واحد صاحبي مصر كان شغال في مزرعة ب 1000 ليره و كانت حلوه بتاعت خرفان و كنت براعى غنم
قلت يا واد هتتعدل اهو بتحلو من عجول ل خرفان ههههههه
في منطقة اسمها كركلارلي و في مصري معاك
المهم اخرج الساعة 7 الصبح و ارجع 1 و ارجع الغابة تاني 3 و اروح 7 و كانت حلوه مش وحشة وكلاب سحالف و تعابين وكمان ارانب و الشجر التفاح و في البرقوق بس في الوقت ده كان لون الاخضر في عيني علشان علي طول في الغابة (طرازان )
ابويا في الوقت ده ب 66 شهور قال الواد استرجل و هيكمل اهو ف كان بيساعدني بكلاماته الطيبة ربنا يباركله
المهم اشتغلت شهر و الراجل مش عايز يدينا المرتب ليه مش عارف بيفضل يأجل شدينا معاه في الكلام صاحبي كان بيتكلم تركي و انا اما كنت بروح اصلي الجمعة روحت قابلت العمده و حكيناله وقالنا لو ماداكمش الفلوس هجيبله بالبوليس
المهم خصم من صاحبي بحجة انه ضيع خرفان من بتاعته انا اداني المرتب كامل الحمدلله فكنا بليل سبنا موضوع البوليس و قولنا خلاص
رجعنا علي نفس البيت انا و هو تحت الارض ولكن كان المصريين كلهم موجودين
الشغلانة الخامسة كنت قابلت واحد في رمضان كان شغال بيبع رحلات علي مركب البوسفور في السلطان احمد قالي روح اشتغل هناك بتاخد فلوس كويسة و انت و رزقك روحت واحد كلمني انجليزي قالي بتعرف تتكلم قولتله ايوه اتكلم معايا شويه و قالي المربع ده متعديهوش علشان كده هتروح عن مكان شركة تانية و هتعمل مشكله
اشتغلت فيها شهريين و خلاص الشتا دخل و الفلوس ها كويسة اقعد لحد الصيف
المهم احمد المصري صاحبي كان راح سكن تاني تحت الارض بس احلا شوية ل 44 بس روحت معاه و بدا رحله جديد للبحث عن العمل
فنزلت ادورعلي شغل في المصانع تاني قبل اما تسال يقولولك يوك يوك يوك يعني مفيش
البيت لمنا 3 شهور الشتاء 200 تحت الصفر درجة الحرارة و مفيش شغل في البلد.
الشغلانة السادسة شركة السياحة
قبل اما تجيلي الشغلانة دي تعبت جامد
و انا في اواخر ايام العلاج الشغلانة دي جتلي وهقعد علي مكتب واشتغلت و بدات حياه جديده من الاصرار شغال فيها بقالي سنة و يارب يتمملنا علي خير و مستني شهر 7 علشان اسجل في الجامعة السنادي علشان مضعش عليا و كمان المنحة التركية للشباب ،
انا لسه بعافر واللي وصلتله اني شغال في شركة سياحية طبعا راحه عن الاول قاعد علي مكتب وكمان شغال مسوق الاكتروني ومقيم فى تقسيم.
بجد لازم تشتغلوا علي حلمكم وتوصلوا له بجد التعب للحلم ممتع هتحس انك فعلا عملت حاجة لنفسك اهم حاجة متحبطش ابدا ومتخليش اليأس يوصل لقلبك و ثق في بنفسك ودعهم يتكلمون وبيع فكرة انك ناجح ديما علشان تنجح وشكراً.
حقيقي إحنا كفريق سافر بنستمد منكم الشجاعة والأمل، إحنا اللى بنقولك شكرًا يا محمد
