ازاي تعمل كشف حساب بنكي ميترفضش في السفاره


ازاي تعمل كشف حساب بنكي ميترفضش في السفارة

كتير من الناس بيجيلها رفض في السفاره مع ان ورقهم كله كامل بس السؤال هل ورقك الكامل دا صحيح ؟ 
من اهم الاسباب الرئيسيه لرفض الفيزا هو كشف الحساب البنكي الي انت مقدمة طيب ازاي اعمل كشف حساب بنكي محترم و ميترفضش ؟! هو دا الي هنتكلم فيه

هنلخص الموضوع في نقط عشان يبقي واضح و سهل:
1- لو معندكش حساب متحاولش تجيب كشف حساب مضروب لانك هتكون معرض للمسائلة القنانونيه و ممكن تتحبس بسبب انك زورت اوراق رسميه و في تاسفاره مش اغبياء يعني و بيعرفوا المضروب من الي مش مضروب افتح حساب باسمك و اجل سفرك لحد ما تظبطه.
2- السفاره بتقبل كشف الحساب من اي بنك سواء حكومي او خاص.
3- خلي حسابك في الدولة الي انت هتقدم منها يعني لو هتقدم من مصر يبقي حسابك في احدي البنوك المصريه لو معاك اقامة في دوله تانيه يبقي حسابك في الدولة التانيه.
4- لازم حسابك يعدي عليه 6 شهور علي الاقل في سفارات بتقبل ال 3 شهور زي تايلاند و جورجيا.
5- لازم تعمل عمليات سحب و ايداع منتظمة علي الحساب و دي النقطة الاهم ، ازاي تعمل عمليات بنكية منتظمة:-
+ حول كل فلوسك علي حسابك الشخصي بمعني ان قبضك او مصروفك او اي دخل ليك يدخل البنك الاول .
+ اعمل عمليات منتظمة بمعني ان الايداع مثلا يكون في اول اسبوع من كل شهر و خلي عمليات السحب متعددة بمعني متسحبش المبلغ مرة واحده اعملها علي اكتر من مرة و ياريت لو تربطها بفيزا بحيث ان يبان انت اشتريت ايه او عملت ايه حاول تدفع بالفيزا قدر الامكان عشان تشغل حسابك.
+ تحط قد ايه او تسحب قد ايه مش مهم المبلغ علي قد ما الرتم نفسة مهم بمعني انت مثلا بتقبض 5000 جنية بتحطهم في الحساب بتصرف مثلا 3000 جنية في الشهر حافظ علي الرتم ميكونش زياده قوي و لا تقلل قوي يعني مش منطقي انك تقبض 5000 جنية و تصرف 500 جنية مثلا خليك منطقي.
+ متعملش عمليات مفرطة او مفاجئة لان دي واحده من اهم اسباب الرفض انك تجيب مبلغ و تحطة مره واحده في الحساب من غير ما تبرر المبلغ دا منين، زي ما قولتلك حافظ علي الرتم، ممكن و انت بتفتح الحساب تحط المبلغ الي انت عايزة و بعدها تبدا في عملياتك البنكية المنتظمة.
6- لو انت حطيت مبلغ كبير مرة واحده لازم تقدم للسفاره مصدر المبلغ دا بمعني انك بعت عربية مثلا او اياً كان يبقي لازم تقدم عقد البيع مع الاوراق.
7- المبلغ المطلوب قد ايه دا سؤال مهم الاجابة هي انك لو هتسافر اوروبا يبقي 100يورو عن كل يوم لو تركيا، جورجيا، تايلند، الهند، او قبرص 50 يورو عن كل يوم، و متنساش انك لازم تكون منطقي بمعني انك تراعي حجوزات الفندق و الطيران و يكونوا متناسبين مع الحساب.
8- من الدواعي المنطقية برضو انك متصرفش كل الي في الحساب بمعني ان رحلتك مثلا هتتكلف 30000 جنية و انت حسابك كله 30000 جنية دا مش منطقي يعني مثلا الرحلة تكلفتها 20000 جنيه و انت حسابك 25000 او 30000 جنية.
9- عندي حسابين اقدم انهي واحد فيهم ؟؟ او عندي حساب مصري و حساب عمله اجنبيه اقدم انهي واحد فيهم ؟؟ الاجابة قدم الاتنين مدام انت عملياتك كويسة و ممكن تقدم كشف حساب بواحد و كشف ارصدة بالتاني .
10- لو انت اقل من 18 سنة و مش قادر تعمل حساب ممكن تستخدم حساب الوالد او الوالده مع تقديم وثيقه بتعهد الوالد او الوالده بتكفل المصاريف.
11- لو انا عديت سن 21 و عايز استخدم حساب الوالد او الوالده ؟؟ في بعض الدول بتقبل و في دول مبتقبلش زي تركيا مثلا مبتقبلش حساب الوالد او الوالدة غير لو انت اقل من 21 سنة.
12- بالنسبة للسيدات تقدري تستخدمي حساب الزوج في اي سفاره مع وثيقه التعهد بتكفل المصاريف، لو مسافره تركيا تقدري تستخدمية في حاله الفيزا المرافق فقط.

دي اهم النصايح الي تقدر من خلالها تقدم كشف حساب بنكي محترم و ميترفضش في السفاره، تقدر من خلاله تاخد الفيزا الي انت عايزها.
تقدر تعرف تفاصيل فيزا شينجين من هنا
اعرف كمان ازاي تعمل استئناف لرفض الفيزا من هنا 

نقوم بتوفير كل شيء بخصوص تركيا (  الفيزا  - الإستقبال من المطار - حجز الفنادق - برامج للرحلات اليومية  - حجز الطيران الدولي والداخلي - تأجير سيارات خاصة  - تأجير شقق مفروشة فى أغلب المدن - تنظيم المعسكرات الرياضية)
متاح أيضا التقديم على الإقامة فى تركيا من هنــــا
والتقديم على دراسة اللغة فى تركيا من هنـــا
* كلمنا على رقم المكتب واحنا نخلصلك كل الأوراق الخاصة بالفيزا سواء زيارة أو سياحة أو إقامة أو دراسة أو عمل او علاج.
للحجز أو الاستفسار عن أي تفاصيل ممكن تكلمنا على رقم الشركة
مكتب مصر: 00201018647306 _ 00201279309900 ​​​​ 
ايميل: [email protected]
 مكتب تركيا: 00905445019185 (WhatsApp)
ايميل: [email protected]   
مواعيد العمل: من السبت للخميس من الساعة 8 صباحاً لـ 6 مساءًا.
تابع كل عروض سافر من هـنـا​​​​​

سافر أوروبا سياحة سفر تركيا شنجن شنغن سفارة نصائح الخلاصة خدمات اونلاين خطاب رفض الشنغن رفض الفيزا فيزا safer4free اوراق الفيزا نصائح سفر عمل كشف حساب حساب بنكي كشف حساب بنكي كشف حساب للسفاره نصائح سفر عمل فيزا نصائح عمل الفيزا